اسلام آباد: علی امین کے احتجاج کو جواز بناکرگورنر راج کے لیے بھی راستہ ہموار ہوسکتا ہے، یہ کہنا ہے تحریک انصاف کے رہنما شیر فضل مروت کا۔ انہوں نے وزیراعلیٰ کے پی علی امین گنڈاپور کی جگہ کسی اور کو احتجاج کی قیادت کا مشورہ دیدیا۔
میڈیا سے گفتگو کرتے ہوئے شیر افضل مروت نے کہا کہ علی امین گنڈاپور سے کوئی اختلاف نہیں، میں ان کا مداح ہوں، ان کے بہت سے اقدامات کی تعریف کی ہے مگر علی امین وزیراعلیٰ ہیں، احتجاج میں ان کے کردار کا (ن) لیگ اور دیگر جماعتیں ناجائز فائدہ اٹھاتی ہیں۔ انہوں نے کہا کہ مسلم لیگ (ن) اور دیگر جماعتیں کہتی ہیں کہ صوبے نے مرکز پر چڑھائی کردی اور سرکاری وسائل کا ناجائز استعمال ہورہا ہے، علی امین کے احتجاج کو جواز بناکرگورنر راج کے لیے بھی راستہ ہموار ہوسکتا ہے، صوبے میں رہی سہی حکومت کے خاتمے کے لیے اپنےہی ہاتھوں مخالفین کوجواز فراہم ہوسکتا ہے۔
شیر افضل مروت کا کہنا تھا کہ احتجاج میں علی امین کے بجائے قیادت کو آگے آنا چاہیے، ہم گنڈاپور کی سپورٹ سے مستفید ہوسکتے ہیں۔
