Close Menu
اخبارِخیبرپشاور
    مفید لنکس
    • پښتو خبرونه
    • انگریزی خبریں
    • ہم سے رابطہ کریں
    Facebook X (Twitter) Instagram
    اتوار, جولائی 6, 2025
    • ہم سے رابطہ کریں
    بریکنگ نیوز
    • بنوں کی جامعہ میں بہتری کی نوید: بحران کے اندھیروں میں روشنی کی کرن
    • ملک بھر میں یوم عاشور کے تمام جلوس سخت سیکیورٹی میں پُرامن طور پر اختتام پذیر
    • ’’ہم نہ باز آئیں گے محبت سے‘‘ آپریشن بنیان مرصوص کی شاندار کامیابی پر پہلی کتاب
    • ملک بھر میں 10 جولائی تک شدید بارشوں اور سیلابی صورتحال کا الرٹ جاری
    • خیبرپختونخوا اور پنجاب میں حالیہ بارشوں کے دوران مختلف حادثات میں 7 افراد جاں بحق، 7 زخمی
    • ساؤتھ ایشین کراٹے چیمپئن شپ میں دو پاکستانی کھلاڑیوں نے گولڈ میڈل جیت لیے
    • سپریم کورٹ پریکٹس اینڈ پروسیجر کمیٹی نے نیا پروسیجر 2025 جاری کردیا
    • خیبرپختونخوا میں دہشت گردی کی نئی لہر
    Facebook X (Twitter) RSS
    اخبارِخیبرپشاوراخبارِخیبرپشاور
    پښتو خبرونه انگریزی خبریں
    • صفحہ اول
    • اہم خبریں
    • قومی خبریں
    • بلوچستان
    • خیبرپختونخواہ
    • شوبز
    • کھیل
    • دلچسپ و عجیب
    • بلاگ
    اخبارِخیبرپشاور
    آپ پر ہیں:Home » بنوں کی جامعہ میں بہتری کی نوید: بحران کے اندھیروں میں روشنی کی کرن
    بلاگ

    بنوں کی جامعہ میں بہتری کی نوید: بحران کے اندھیروں میں روشنی کی کرن

    جولائی 6, 2025کوئی تبصرہ نہیں ہے۔4 Mins Read
    Facebook Twitter Email
    Hopes of improvement at Bannu University: A ray of light in the darkness of crisis
    وی سی پروفیسر ڈاکٹر جہانزیب نے نہایت خاموشی مگر عزم کے ساتھ، جامعہ کے بگڑے ہوئے تعلیمی، مالی اور اخلاقی معاملات کا سنجیدہ جائزہ لینا شروع کر دیا ہے ۔
    Share
    Facebook Twitter Email

    یونیورسٹی آف سائنس اینڈ ٹیکنالوجی بنوں، جو ایک عرصے سے بدانتظامی، اخلاقی زوال اور مالی بے ضابطگیوں کی دلدل میں دھنسی ہوئی تھی، اب شاید بہتری کی راہ پر گامزن ہو چکی ہے ۔ نو تعینات وائس چانسلر پروفیسر ڈاکٹر جہانزیب نے نہایت خاموشی مگر عزم کے ساتھ جامعہ کے بگڑے ہوئے تعلیمی، مالی اور اخلاقی معاملات کا سنجیدہ جائزہ لینا شروع کر دیا ہے ۔

    ان کے ابتدائی اقدامات میں سب سے اہم قدم اقبال زمان کی فوری برطرفی تھا ۔ اقبال زمان وہ شخصیت ہے جو ہراسمنٹ ایٹ ورک پلیس کے متعدد کیسز میں نامزد رہا، جن کی تحقیقات وفاقی محتسب، سیٹیزن پورٹل اور دیگر اداروں کے ذریعے ہو چکی تھیں ۔ انہی رپورٹس کی روشنی میں ہائیر ایجوکیشن کمیشن نے انہیں ڈائریکٹر اکیڈمکس کے عہدے سے ہٹا دیا تھا ۔ تاہم جامعہ کے بعض بااثر ملازمین، عزیزاللہ، ظفیراللہ اور صفدر غازی کی مبینہ ملی بھگت سے انہیں اسی عہدے پر غیر قانونی طور پر برقرار رکھا گیا ۔ اقبال زمان کے ہاتھوں دورانِ ملازمت متعدد داخلے اور تعلیمی امور سرانجام دیے گئے، جن کی حیثیت اب مشکوک ہے ۔ وائس چانسلر نے اس غیر قانونی تسلط کا فوری خاتمہ کر کے شفافیت کی بنیاد رکھ دی ہے، اور بعض سینئر افسران اب مطالبہ کر رہے ہیں کہ ان کی برطرفی کا باضابطہ نوٹیفکیشن ہراسمنٹ کے الزام پر جاری کیا جائے ۔

    اب صورتحال یہ ہے کہ وہی عناصر عزیزاللہ، صفدر غازی اور ظفیراللہ، جو ماضی میں اقبال زمان کے پشت پناہ رہے، وائس چانسلر کے خلاف صف آرا ہوتے جا رہے ہیں ۔

    مالی بدحالی کا عالم بھی کچھ کم نہیں رہا ۔ اس سال تک یونیورسٹی کی معیشت نازک ترین موڑ پر تھی، اور مختلف اجلاسوں میں شعبہ جاتی بقایاجات کا تفصیلی جائزہ لیا گیا ۔ صرف انگلش ڈیپارٹمنٹ سے تقریباً دو کروڑ روپے کے واجبات وصول طلب ہیں ۔ اطلاعات کے مطابق عزیزاللہ نے فیس ریکارڈ میں سنگین بد عنوانی کی اور پچاس لاکھ روپے وصولی کے باوجود حسابات میں خردبرد کی کوشش کی ۔ طلبا سے آئندہ سمسٹر کی ایڈوانس فیس بھی لے لی گئی، جس کی باقاعدہ ترسیل یونیورسٹی کے خزانے تک نہیں کی گئی ۔ مگر خوش قسمتی سے وقت پر نشاندہی ہو گئی، جس پر عزیزاللہ سے مکمل ریکارڈ طلب کر لیا گیا ہے ۔

    اسی دوران جامعہ کے ریکارڈ کو جدید خطوط پر استوار کرنے کے لیے ایک قدم اور اٹھایا گیا ہے ۔ باہر سے ماہرین کو مدعو کیا گیا ہے جو CMS (کیمپس مینجمنٹ سسٹم) کے تحت ریکارڈ کو مکمل طور پر کمپیوٹرائزڈ کریں گے ۔ اس عمل سے نہ صرف شفافیت بڑھے گی، بلکہ گزشتہ برسوں کی ممکنہ مالی و انتظامی بدعنوانیاں بھی بے نقاب ہو سکیں گی ۔

    مزید براں، وائس چانسلر نے ایک اور اہم اقدام اٹھاتے ہوئے ظفیراللہ کے بھائی احسان اللہ کی تنخواہیں منسوخ کر دی ہیں، جنہیں غیر قانونی طور پر ڈیلی ویجز پر ساٹھ ہزار ماہوار کے عوض بھرتی کیا گیا تھا ۔ ساتھ ہی ظفیراللہ سے اس ناجائز تقرری پر وضاحت بھی طلب کی گئی ہے ۔

    یہ تمام اصلاحاتی اقدامات دراصل ہماری گزشتہ تحقیقاتی رپورٹ کے بعد سامنے آئے ہیں، جو سچ کی طاقت اور صحافت کی اثر انگیزی کا ثبوت ہیں ۔ اس رپورٹ پر نہ صرف جامعہ کی انتظامیہ نے ایکشن لیا بلکہ خفیہ اداروں نے بھی معاملے کو سنجیدگی سے لیتے ہوئے تحقیقات شروع کر دی ہیں ۔ کئی طلباء، اساتذہ اور ملازمین کے بیانات قلمبند کیے جا چکے ہیں ۔

    جامعہ میں اصلاحات کا یہ عمل ابھی ابتدائی مرحلے میں ہے، لیکن وائس چانسلر ڈاکٹر جہانزیب کے عزم اور جرات مندانہ فیصلوں نے امید کی ایک نئی لہر پیدا کر دی ہے ۔ طلبہ، اساتذہ اور متعلقہ افراد کو اب ایک متحد آواز کے ساتھ شفافیت، انصاف اور احتساب کے اس عمل کی حمایت کرنی چاہیے تاکہ یہ ادارہ واقعی علم، اخلاق اور ترقی کا مرکز بن سکے ۔

    یہ کہنا بے جا نہ ہو گا کہ صحافت نے ایک بار پھر اپنا فرض ادا کیا ہے ۔ روشنی کی کرن دکھائی دی ہے، اور اب اس راہ کو چھوڑا نہیں جانا چاہیے ۔

    Share. Facebook Twitter Email
    Previous Articleملک بھر میں یوم عاشور کے تمام جلوس سخت سیکیورٹی میں پُرامن طور پر اختتام پذیر
    Khalid Khan
    • Website

    Related Posts

    خیبرپختونخوا میں دہشت گردی کی نئی لہر

    جولائی 6, 2025

    یونیورسٹی آف سائنس اینڈ ٹیکنالوجی بنوں یا یونیورسٹی آف کرائمز اینڈ کریمینالوجی؟

    جولائی 5, 2025

    پشتون قبائل کا مستقبل

    جولائی 5, 2025
    Leave A Reply Cancel Reply

    Khyber News YouTube Channel
    khybernews streaming
    فولو کریں
    • Facebook
    • Twitter
    • YouTube
    مقبول خبریں

    بنوں کی جامعہ میں بہتری کی نوید: بحران کے اندھیروں میں روشنی کی کرن

    جولائی 6, 2025

    ملک بھر میں یوم عاشور کے تمام جلوس سخت سیکیورٹی میں پُرامن طور پر اختتام پذیر

    جولائی 6, 2025

    ’’ہم نہ باز آئیں گے محبت سے‘‘ آپریشن بنیان مرصوص کی شاندار کامیابی پر پہلی کتاب

    جولائی 6, 2025

    ملک بھر میں 10 جولائی تک شدید بارشوں اور سیلابی صورتحال کا الرٹ جاری

    جولائی 6, 2025

    خیبرپختونخوا اور پنجاب میں حالیہ بارشوں کے دوران مختلف حادثات میں 7 افراد جاں بحق، 7 زخمی

    جولائی 6, 2025
    Facebook X (Twitter) Instagram
    تمام مواد کے جملہ حقوق محفوظ ہیں © 2025 اخبار خیبر (خیبر نیٹ ورک)

    Type above and press Enter to search. Press Esc to cancel.