میں اپنے مرنے کی دعا کرتا ہوں،اداکار راشد محمود بجلی کا بل زیادہ آنے پرغصے میں آگئے

ایک ویڈیو میں راشد محمود نے بات کرتے ہوئے بتایا کہ میرے 701 یونٹ کا بل 45 ہزار 368روپے آیا ہے،مجھے 4 بار ہارٹ اٹیک آیا جس کے بعد بھی میں اللہ کے فضل سے زندہ ہوں،لیکن آج میں سوچتا ہوں کہ میرے اللہ نے مجھے کیوں بچایا؟میں نے اپنی ساری زندگی اس ملک کے ساتھ ایمانداری سے خدمت کی، ہمارے کاموں کی وجہ سے یہاں پر اربوں روپے اکٹھا ہوئے ہیں لیکن گزشتہ کئی سالوں سے ہمارے لیے لاہور میں کوئی کام نہیں ہوا، اب میں 45ہزار بجلی کے بل کو ادا کرنے کیلئے پیسے کہاں سے لاؤں؟

سینئر اداکار راشد محمود نے آبدیدہ ہوتے ہوئے کہا کہ ’میرے رب میں ایک نہایت ہی غلط ملک میں پیدا ہوگیا، ہم نے زندگی رب کے خوف سے گزاری کیا یہی ہمارا قصور ہے؟ میرے مالک مجھے اٹھالے، میں زندہ نہیں رہنا چاہتا، میں پاکستان سے باہر جاکر بہت کچھ کرسکتا تھا لیکن میں نہیں گیا،اب میرا دل دکھا ہوا ہے میں شدید بیمار ہوں،اور اس کے ساتھ ہی اپنے مرنے کی دعا بھی کرنے لگاہوں،اس ملک کی ساری زندگی خدمت کرکے میں نے غلط کیا، اگر میں بھی اس وقت چوروں کے ساتھ شامل ہوجاتا تو آج اس طرح  چیخ وپکار نہ کررہا ہوتا۔

مزیدانہوں نے کہا کہ ارباب اختیار نے ہماری پوری قوم کو ایک عذاب میں مبتلا کر کے رکھا ہے، ہمارے ملک میں عوام کے لئے کچھ بھی نہیں ہے، یہ سب جماعتیں ایک جیسی ہی ہیں سب اپنے لیے کام کررہےہیں،اور عوام کیلئے کوئی بھی کچھ نہیں کررہا ہے۔