خیبر پختونخوا کے قبائلی علاقہ مہمند میں دوران گشت پولیس موبائل پر فائرنگ ہوئی ہے ، نامعلوم افراد کی فائرنگ سے ایڈیشنل ایس ایچ او اور ہیڈ کانسٹیبل شہید جبکہ ڈرائیور زخمی ہوگیا ۔
مہمند : پولیس حکام کے مطابق تحصل یکہ غنڈ کے علاقہ عقرب ڈاگ میں نامعلوم شر پسندوں نے پولیس موبائل پر فائنرگ کی ہے ۔
پولیس حکام نے بتایا کہ نامعلوم شرپسندوں کی فائرنگ سے ایڈیشنل ایس ایچ او اور ہیڈ کانسٹیبل شہید ہوگئے جبکہ ڈرائیور زخمی ہوگیا، شہید ایڈیشنل ایس ایچ او کی شناخت زیت اللہ اور ہیڈ کانسٹیبل کی شناخت زاہد لے نام سے ہوئی ہے ۔
زخمی پولیس اہلکار کو تشویشناک حالت میں پشاور منتقل کر دیا گیا، پولیس کی جانب سے علاقے میں سرچ آپریشن جاری ہے ۔
دوسری جانب شہید ہونے والے ایڈیشنل ایس ایچ او زیت اللہ اور ہیڈ کانسٹیبل زاہد کی نمازِ جنازہ غلنئی پولیس لائن میں ادا کر دی گئی، جس میں رکن قومی اسمبلی ساجد خان، کمانڈنٹ مہمند رائفلز، ڈسٹرکٹ پولیس آفیسر مہمند، ایس پی انویسٹیگیشن اور دیگر افسران و انتظامی آفیسرز اور قبائلی مشران نے بھی شرکت کی ۔
