اسلاما ٓباد میں وزارت اطلاعات کے زیر اہتمام کتاب دی بیٹل آف ٹُروتھ کے اجرا کی تقریب ہوئی ، وزیر دفاع خواجہ آصف تقریب کے مہمان خصوصی تھے، دیگر وزرا اور اہم شخصیات بھی تقریب میں شریک تھے ۔
اسلام آباد: وزیردفاع خواجہ محمد آصف نے تقریب سےخطاب کرتے ہوئے کہا کہ بھارتی ہندوتوا کے اقدامات اور پالیسیاں خطے کی ترقی کی سب سے بڑی دشمن ہیں ۔
خواجہا ٓصف کا کہنا تھا کہ بھارت فتنہ الہندوستان اور فتنہ الخوارج جیسی تنظیموں کی سرپرستی کررہا ہے، بھارتی اقدامات نے خطے کے امن کو داؤ پر لگادیا ۔
تقریب سے خطاب کرتے ہوئے وزیر اطلاعات عطاء اللہ تارڑ نے کہا کہ معرکہ حق میں پاکستان نے بیانیے اور سفارتی محاذ پر بھارت کو شکست دی، بیانیےکی جنگ میں پاکستان کے میڈیا، سوشل میڈیا اور نوجوانوں نے بھرپور ساتھ دیا، دنیا نے بھارت کے بیانیے کو یکسر مسترد کردیا ۔
سینیٹر پلوشہ خان نے کہا کہ مسلح افواج نے فیلڈ مارشل عاصم منیر کی قیادت میں مودی کی نفرت اور تقسیم کی سیاست کو دفن کیا اور مودی کے اکھنڈ بھارت کے تاریخی فراڈ کو زمیں بوس کردیا ۔
اس موقع پر لیفٹیننٹ جنرل (ریٹائرڈ) عامر ریاض نےکہاکہ آج پاکستان مضبوط ریاست کے طور پر کھڑا ہے ،جدوجہدِ آزادی کے لیےلاکھوں لوگوں نے قربانیاں دیں، انتہا پسند تنظیم آر ایس ایس کا بھارتی سیاست پر مکمل کنٹرول ہے، آر ایس ایس کا بنیادی ایجنڈا ہندوتوا کو تقویت دینا ہے ۔
