ورلڈ کپ میں شرکت کے لیے روانگی سے ایک ہفتہ قبل ایرانی فٹبال ٹیم کے اعزاز میں تہران کے انقلاب چوک میں ایک شاندار الوداعی تقریب کا انعقاد کیا گیا، جس میں ہزاروں شائقین نے شرکت کی۔ اس موقع پر شہریوں نے قومی ٹیم کے حق میں نعرے لگائے اور کامیابی کے لیے دعائیں بھی کیں۔
تقریب کے دوران ایران کے صد مسعود پزشکیان نے قومی فٹبال ٹیم کے کھلاڑیوں سے ملاقات کی اور ان کے ساتھ یادگاری تصاویر بھی بنوائیں۔ صدر پزشکیاں نے کھلاڑیوں پر زور دیا کہ وہ عالمی کپ میں ملک کے وقار اور عظمت کے لیے بھرپور محنت کریں اور بہترین کارکردگی کا مظاہرہ کریں۔
واضح رہے کہ ایران اپنی ورلڈ کپ مہم کے تینوں ابتدائی میچز امریکہ میں کھیلے گا۔ ایرانی ٹیم اپنا پہلا میچ 16 جون کو نیوزی لینڈ کے خلاف، دوسرا میچ 22 جون کو بیلجیئم کے خلاف جبکہ تیسرا میچ 27 جون کو مصر کے خلاف کھیلے گی۔
