ایران،اسرائیل کشیدگی:یو این سیکرٹری جنرل نےتحمل سے کام لینے کی اپیل کی

اقوام متحدہ نے اسرائیل پر ایران کے حملے کے بعد زیادہ سے زیادہ تحمل سے کام لینے کی اپیل کی ہے

 انتونیو گوتریس نے سوشل میڈیا پلیٹ فارم ایکس پر جاری بیان میں فریقین سے تحمل سے کام لینے کی اپیل کرتے ہوئے کہا کہ مشرق وسطیٰ تباہی کے دہانے پر ہے، ایسے کسی بھی قسم کےعمل سے گریز کیا جائے جو مشرق وسطیٰ میں کسی مختلف فوجی ٹکراؤ کا سبب بنے۔ان کے مطابق عام شہری پہلے ہی ان چیزوں کوبرداشت کررہے ہیں اور ان کی بھاری قیمت چکا رہے ہیں۔سیکرٹری جنرل کے مطابق مزید ہمیں اس تنازع کو پھیلنے سے روکنے کے لیے تمام فریقین کے ساتھ فعال طور پر رابطوں میں رہنا ہے۔دوسری طرف سلامتی کونسل میں روس اور چین نے بھی تحمل سے کام لینے پر زور دیا جبکہ ایران کو امریکا اور برطانیہ نے مزید کشیدگی نہ بڑھانے کی تنبیہ کی ہے۔اس کے ساتھ ہی فرانس نےکہاکہ ایران اوراس کے اتحادی خطے میں عدم استحکام پیدا نہ کریں۔