بلوچستان:طوفانی بارشیوں کا سلسلہ جاری،9 افراد زخمی

بلوچستان میں طوفانی بارشیوں کا سلسلہ جاری ہے۔ان بارشوں کی وجہ سے 9 افراد زخمی ہوگئے ہیں

 شدید بارشیں بلوچستان  کے بیشتر اضلاع میں جاری ہیں جس دوران چھتیں گرنے کے واقعات میں 9 افراد زخمی اور ایک لڑکی جاں بحق ہوگئی ہے۔بلوچستان کے علاقے کوہلو، موسیٰ خیل، ژوب، شیرانی، مستونگ، نوشکی اور قلات میں شدید طوفانی بارش اور ژالہ باری ریکارڈ کی گئی جبکہ چمن، قلعہ عبداللہ، پشین، زیارت، مستونگ، مسلم باغ، کان مہترزئی اور قلات میں ژالہ باری سے باغات اوردرختوں کو نقصان پہنچا ہے،کئی علاقوں میں تیز ہواؤں سےسولرپینلز طوفانی ہوا میں اڑگئے۔

سنجاوی، پشین،توبہ کاکڑی، شیلاباغ ، قلعہ عبداللہ اور پشین کے دیہی علاقوں میں طوفانی بارشوں اور ژالہ باری سے کے باعث زمینی رابطے منقطع اور مواصلاتی نظام متاثر ہوا ہےجس سے شہریوں کو شدید مشکلات کا سامنا ہے۔دوسری طرف پسنی میں وارڈ نمبر 5 میں بارش کے باعث مکان کی چھت گرگئی جس کے نتیجے میں ملبے تلے دب کر 4 بچوں سمیت 6 افراد زخمی ہوئے،زخمیوں کو ریسکیو اہلکاروں نےنکال کر اسپتال منتقل کیا ہے۔ بارش سے ادھر کرک میں کمرے کی چھت گرگئی جس سے 13 سالہ لڑکی ملبے تلے دب کر جاں بحق ہوگئی اور تین افراد زخمی ہوئے ہیں۔