پاکستان کے وزیر خارجہ اسحاق ڈار نے اپنے مصری ہم منصب بدر عبدالعاطی سے ٹیلی فون پر بات چیت کی۔ دونوں وزرائے خارجہ نے خطے کی موجودہ صورتحال اور مشرق وسطیٰ میں امن کے لیے جاری کوششوں پر تبادلہ خیال کیا۔
دونوں رہنماؤں نے ایران اور اسرائیل پر زور دیا کہ وہ کشیدگی کم کرنے کے لیے مذاکرات کریں۔ اس موقع پر خطے میں امن قائم رکھنے کے لیے رابطوں کے تسلسل کو جاری رکھنے پر اتفاق کیا گیا۔
ترجمان دفتر خارجہ کے مطابق، دونوں رہنماؤں نے خطے میں کشیدگی کم کرنے اور مذاکرات کی اہمیت پر زور دیا، اور امن و استحکام کے لیے سفارتی کوششوں کو جاری رکھنے کا عزم ظاہر کیا۔
اسحاق ڈار اور بدر عبدالعاطی نے خطے کی تازہ ترین صورتحال کے پیش نظر قریبی رابطے میں رہنے اور مشترکہ تعاون کو فروغ دینے پر اتفاق کیا۔
