اسلام آباد پولیس نے تحریک انصاف کے سیکرٹری اطلاعات رؤف حسن کو اپنی حراست میں لے لیا ہے۔پولیس نے انہیں تحریک انصاف کے اسلام آباد سینٹرل سیکرٹریٹ سے گرفتار کیا ہے۔
ذرائع کے مطابق اسلام آباد پولیس نے سیکرٹریٹ سے کمپیوٹر سمیت دیگر سامان بھی اٹھا لیا ہے جبکہ اس کے ساتھ ہی پولیس نے سینٹرل سیکرٹریٹ کو گھیرے میں لیا ہوا ہےدوسری طرف سوشل میڈیا سائٹ ایکس پر تحریک انصاف کی جانب سے روف حسن کی گرفتاری کی تصدیق بھی کردی گئی ہے،اور اس کے ساتھ ہی یہ بھی کہا گیا ہے کہ جس طرح اسلام آباد پولیس قانون کا مزاق اڑا رہی ہے یہ انتہائی شرمناک ہے۔
پولیس کے مطابق پی ٹی آئی کا ڈیجیٹل میڈیا مرکز انٹرنیشنل ڈس انفارمیشن کا مرکز بنا ہوا تھا اور پوری دنیا میں پاکستان مخالف پروپیگنڈا یہاں سے کروایا جاتا تھا، ڈیجیٹل میڈیا سیل سے پاکستان مخالف اور ملکی سالمیت کے خلاف پروپیگنڈا بھی چلایا جاتا تھا۔ پولیس کے مطابق پاکستان مخالف پروپیگنڈے میں براہِ راست ملوث لوگوں کو گرفتار کیا گیا ہے۔
