کابل پولیس کے ترجمان خالد زدران نے بتایا کہ افغانستان کے دارالحکومت میں دارالامان روڈ پر خودکش دھماکہ ہوا ہے۔
کابل پولیس کے ترجمان نے تصدیق کی ہے کہ خودکش دھماکے میں خاتون سمیت 6 افراد جاں بحق اور 13 زخمی ہوگئے۔
خالد زدران کے مطابق خودکش حملہ آور نے خود کو بارودی مواد سے اڑا یا جس سے دھماکہ ہوا۔
ترجمان نے بتایا کہ دھماکے میں زخمی ہونے والوں کو قریبی ہسپتال منتقل کر دیا گیا ہے۔
ان کا مزید کہنا تھا کہ واقعے کی تحقیقات شروع کردی گئی ہیں، ابھی تک کسی گروپ نے دھماکے کی ذمہ داری قبول نہیں کی، تاہم اس قسم کے دہشت گردانہ حملوں کا ذمہ دار زیادہ تر داعش گروپ کو سمجھا جاتا ہے۔
