سیکیورٹی فورسز نے خیبر پختونخوا کے مختلف علاقوں میں 30 اور 31 جنوری کو آپریشنز کے دوران 10 دہشتگردوں کو ہلاک کر دیا ۔
آئی ایس پی آر کی جانب سے جاری بیان کے مطابق ڈیرہ اسماعیل خان کے علاقے کُلاچی میں انٹیلی جنس کی بنیادوں پر آپریشن کیا گیا، سیکیورٹی فورسز نے دہشت گردوں کے ٹھکانے کو نشانہ بنایا، اس دوران فائرنگ کے نتیجے میں چار دہشت گرد ہلاک ہوگئے ۔
آئی ایس پی آر نے مزید بتایا کہ دوسری کارروائی میں شمالی وزیرستان کے مختلف علاقوں، دتہ خیل، حسن خیل، غلام خان اور میر علی میں 4 مختلف جھڑپیں ہوئیں، ان میں سیکیورٹی فورسز نے 6 دہشت گردوں کو ہلاک کردیا ۔
آئی ایس پی آر کے مطابق ہلاک ہونے والے تمام دہشت گردوں کے قبضے سے اسلحہ اور گولہ بارود بھی برآمد کیا گیا ۔
ہلاک دہشت گرد سیکیورٹی فورسز اور عام شہریوں کے خلاف مختلف دہشت گرد کارروائیوں میں ملوث تھے، علاقے میں کسی بھی باقی ماندہ دہشت گرد کے خاتمے کے لیے کلیئرنس آپریشن جاری ہے، پاک فوج ملک سے دہشت گردی کے ناسور کے مکمل خاتمے کے لیے پُرعزم ہے ۔
