ضلع کرم: پولیس کے مطابق اپر کرم کے علاقے بوشہرہ میں اسسٹنٹ کمشنر سعید منان پر نامعلوم افراد نے فائرنگ کر دی، جس کے نتیجے میں وہ زخمی ہو گئے۔
پولیس کا کہنا ہے کہ اسسٹنٹ کمشنر سعید منان پولیس کے ہمراہ بوشہرہ میں موجود تھے، جب یہ واقعہ پیش آیا۔ زخمی ہونے کے بعد انہیں فوری طور پر اسپتال منتقل کیا گیا جہاں ان کو طبی امداد دی جا رہی ہے۔ پولیس نے ملزمان کی گرفتاری کے لیے علاقے میں بڑے پیمانے پر سرچ آپریشن شروع کر دیا ہے۔
یاد رہے کہ اس سے قبل لوئر کرم میں ڈپٹی کمشنر جاوید اللہ محسود بھی فائرنگ کا نشانہ بنے تھے اور زخمی ہوئے تھے۔
