خیبرپختونخوا کے دو مختلف علاقوں میں سیکیورٹی فورسز نے کامیاب کارروائیوں کے دوران بھارتی حمایت یافتہ 5 خوارج دہشتگردوں کو ہلاک کردیا ۔
پاک فوج کے شعبہ تعلاقت عامہ کی جانب سے جاری بیان کے مطابق سکیورٹی فورسز نے7 اور 8 مئی کو خیبرپختونخوا میں 2 مختلف کارروائیاں کیں، اس دوران 5 خوارجہ دہشتگردوں کو اپنے انجام تک پہنچا دیا گیا ۔
آئی ایس پی آر کے مطابق سکیورٹی فورسز نے خوارج کی موجودگی کی اطلاع پر ضلع ٹانک میں انٹیلی جنس بنیادوں پر آپریشن کیا، آپریشن کے دوران سکیورٹی فورسز نے مؤثر انداز میں خوارج کے ٹھکانےکو نشانہ بنایا، شدید فائرنگ کے تبادلے کے بعد فتنہ الخوارج کے 4 دہشت گردوں کو ہلاک کیاگیا ۔
آئی ایس پی آر کے مطابق دوسرا آپریشن ڈیرہ اسماعیل خان میں کیا گیا ، جہاں دوران کارروائی ایک خوارج کو ہلاک کیاگیا ۔
بیان میں مزید کہا گیا ہے ہلاک دہشت گردوں کے قبضے سے اسلحہ اور گولہ بارود بھی برآمد ہوا، ہلاک دہشتگرد علاقے میں متعدد دہشتگرد کارروائیوں میں ملوث تھے ۔
آئی ایس پی آر کی جانب سے مزید بتایاکہ علاقے میں ممکنہ طور پر موجود دیگر خوارج کے خاتمےکے لیے سرچ اور کلیئرنس آپریشن جاری ہے ۔
