خیبرپختونخوا میں ضابطہ اخلاق کی خلاف ورزیاں کرنے والے امیدواروں کے خالاف نوٹس اور جرمانے جاری کئے گئے ہیں
ڈسٹرکٹ مانیٹرنگ آفیسر لوئر دیر نے ضابطہ اخلاق کی خلاف ورزی کرنے والے امیدواروں کیخلاف کاروائیاں کی ہیں۔50 ہزار روپے کا جرمانہ ضابطہ اخلاق کی خلاف ورزی کرنے پر پی کے 15 لوئردیر کے آزاد اُمیدوار ہمایون خان کو کیا گیا ہے۔کاروائی کے دوران 50 ہزار روپے کا جرمانہ پی کے 7 لوئردیر کے آزاد اُمیدوار محبوب شاہ کو بھی کیا گیا ہے۔اسی طرح 30 ہزار روپے کا جرمانہ چیئرمین ویلیج کونسل گل آباد لوئر دیر مراد رحمان کو کیا گیا ہے۔29 جنوری تک ان اُمیدواروں کو جرمانے جمع کرکے چالان پیش کرنے کی ہدایت کی گئی ہے۔
ضابطہ اخلاق کی خلاف ورزیاں کرنے والے اُمیدواروں کیخلاف ڈسٹرکٹ مانیٹرنگ آفیسر پشاور نے کارروائیاں کی ہیں، جس کے باعث 5 ہزار روپے کا جرمانہ حلقہ پی کے 79 پشاور سے مسلم لیگ (ن) کے اُمیدوار جلال خان کو کیا گیا جبکہ اسی طرح 5 ہزار روپے کا جرمانہ حلقہ پی کے 73 پشاور سے پی ٹی آئی پی کے اُمیدوار ارباب وسیم حیات کو کیا گیا ہے۔ حلقہ پی کے 73 پشاور سے جے یو آئی ف کے اُمیدوار عبدالحسیب کو ضابطہ اخلاق کی خلاف ورزی کرنے پر اس کے علاوہ 5 ہزار روپے کا جرمانہ کیا گیا ہے۔جبکہ چیئرمین نیبرہڈ کونسل بہاری کالونی حاجی محمد اسماعیل کو ضابطہ اخلاق کی خلاف ورزی کرنے پر 50 ہزار روپے کاجرمانہ کیا گیا۔29 جنوری تک ان اُمیدواروں کو جرمانے جمع کرکے چالان پیش کرانے کا کہا گیا ہے۔
ضابطہ اخلاق کی خلاف ورزی کرنے پر ڈسٹرکٹ مانیٹرنگ آفیسر اپر دیر نے 5 ہزار روپے کا جرمانہ چیئرمین ویلیج کونسل نشان بانڈہ اپردیر ملک شاہ الدین کو کیا اور 29 جنوری تک انہیں جرمانہ جمع کرکے چالان پیش کرنے کی ہدایت کی گئ ہے۔
ضابطہ اخلاق کی خلاف ورزی کرنے پر ڈسٹرکٹ مانیٹرنگ آفیسر کرم نے بھی 25 ہزار روپے کاجرمانہ حلقہ پی کے 95 کرم، چیئرمین تحصیل کونسل سنٹرل کرم احسان اللہ کو کیا،جبکہ 15 ہزار روپے کا جرمانہ آزاد اُمیدوار علی ہادی پر عائد کیا گیا ہے۔ اُمیدواروں کو ڈی ایم کو کی جانب سے 29 جنوری تک جمع کرکے چالان پیش کرنے کی ہدایت کی گئ ہے۔
