پشاور الیکٹرک سپلائی کمپنی (پیسکو) نے صوبے میں بجلی کی طویل لوڈ شیڈنگ سے متعلق تفصیلات جاری کردیں ہیں۔
صوبے میں پیسکو حکام کے مطابق پیسکو کے 1300 سےذائد فیڈرز ہیں جن میں سے 156 فیڈرز پر صرف اورصرف 2 گھنٹے بجلی کی لوڈشیڈنگ کی جارہی ہے، 135 فیڈرزپر 20 سے 30 فیصد لاسز ہیں جدھر 6 گھنٹےکی طویل لوڈشیڈنگ کی جارہی ہے جبکہ اس کے برعکس 96 فیڈرز ایسے ہیں جن پر لاسز 30 سے40 فیصد ہیں اور وہاں پر 7 گھنٹےکی لوڈشیڈنگ کی جاری ہے۔
پیسکو انتظامیہ کے مطابق 143 فیڈرزپر 40 سے 60 فیصد تک لاسز ہیں اور وہاں 12 گھنٹوں کی لوڈشیڈنگ کی جارہی ہے،157 فیڈرزپرلاسز 60 سے 80 فیصد ہیں اور وہاں پر لوڈشیڈنگ کا دورانیہ 16 گھنٹےہے جبکہ 159 فیڈرز پر لاسز 80 فیصد سےزیادہ ہیں جس کی بناء پر 20 گھنٹےکی لوڈ شیڈنگ کی جاری ہے۔
ترجمان پیسکو کے مطابق شہری علاقوں میں لوڈشیڈنگ کا دورانیہ 4 سے6 گھنٹے ہے جبکہ اس کے برعکس مضافاتی علاقوں میں 16 گھنٹے کی لوڈشیڈنگ جاری ہے۔پیسکو حکام کے مطابق بجلی چوری اور واجبات کی عدم ادائیگی کی وجہ سے لاسز زیادہ ہیں اور ایسے فیڈرز پر زیادہ لوڈ مینجمنٹ کرنا ناگزیر ہے۔
