پشاور (شوبز ڈیسک) — خیبر ٹیلی ویژن نیٹ ورک کی 22ویں سالگرہ اور عید قربان کی خوشیوں کو یکجا کرتے ہوئے پشاور میں ایک شاندار گرینڈ میوزیکل شو ریکارڈ کیا گیا، جو عید کی خصوصی ٹرانسمیشن کے دوران نشر کیا گیا اور دنیا بھر میں ناظرین نے اسے دیکھا۔
اس رنگا رنگ شو میں فیملیز کی بڑی تعداد نے شرکت کی۔ اس موقع پر پشاور چیمبر آف کامرس اینڈ انڈسٹری کے روح رواں جنید الطاف، اے این پی کی شگفتہ ملک، سردار بابک، ڈی جی انفارمیشن عمران خان اور امن جرگہ کے سربراہ خالد ایوب سمیت صحافیوں، سماجی شخصیات اور فنکاروں نے بھی شرکت کی۔
پروگرام میں اینکرز زکی الرحمان، مہ وش، حفظہ، ماریہ خان اور آمین مشال شامل تھے۔ جبکہ گلوکاروں میں فیصل مروت، عادل جہانگیر، اکبر علی، ہیر، اظہر، اسفندیار مومند اور گل سانگہ نے اپنی پرفارمنس سے محفل کو چار چاند لگا دیے۔
مزاحیہ خاکوں میں شہنشاہ آفریدی اور رخسار نے حاضرین کو خوب محظوظ کیا، جبکہ اس گرینڈ شو کی پروڈکشن کی ذمہ داری محمد حنیف بلوچ اور ریحان نیازی نے انجام دی۔
