پشاور (حسن علی شاہ) — عوامی نیشنل پارٹی (اے این پی) کے رہنما سید معصوم شاہ نے جمعرات 4 جون کو پشاور پریس کلب میں ایک اہم پریس کانفرنس کا اعلان کیا ہے، جس میں وہ اپنے خلاف عائد الزامات اور پارٹی رکنیت سے متعلق معاملات پر اپنا مؤقف میڈیا کے سامنے پیش کریں گے۔
ذرائع کے مطابق معصوم شاہ سابق وزیراعلیٰ خیبر پختونخوا امیر حیدر خان ہوتی کے قریبی ساتھیوں میں شمار ہوتے رہے ہیں۔ ان پر ماضی میں محکمہ سی اینڈ ڈبلیو سمیت مختلف سرکاری محکموں میں تبادلوں اور تقرریوں سے متعلق غیر اعلانیہ اثر و رسوخ کے الزامات بھی عائد کیے جاتے رہے ہیں۔
مزید اطلاعات کے مطابق ان کے خلاف نیب کی جانب سے مالی بے ضابطگیوں کی تحقیقات بھی کی گئی تھیں، جس کے بعد انہوں نے پلی بارگین کے ذریعے قانونی کارروائی کا سامنا کیا۔ اب توقع ظاہر کی جا رہی ہے کہ جمعرات کو ہونے والی پریس کانفرنس میں وہ اہم انکشافات کریں گے۔
