کوہاٹ کے علاقے کے ڈی اے ڈبل روڈ پر نامعلوم مسلح افراد کی فائرنگ سے ایک لیڈی ڈاکٹر جاں بحق ہو گئیں۔
پولیس کے مطابق لیڈی ڈاکٹر ڈیوٹی مکمل کرنے کے بعد رکشہ میں سوار ہو کر گھر واپس جا رہی تھیں کہ راستے میں مسلح افراد نے ان پر فائرنگ کر دی، جس کے نتیجے میں وہ موقع پر ہی جان کی بازی ہار گئیں۔ ملزمان واردات کے بعد فرار ہو گئے۔
واقعے کے خلاف ڈاکٹرز برادری نے شدید احتجاج کیا۔ Young Doctors Association کے صدر کا کہنا ہے کہ لیڈی ڈاکٹر کے قتل میں ملوث ملزمان کی گرفتاری تک احتجاج جاری رہے گا۔ انہوں نے حکومت اور قانون نافذ کرنے والے اداروں سے مطالبہ کیا کہ قاتلوں کو فوری طور پر گرفتار کر کے قرار واقعی سزا دی جائے اور ڈاکٹروں کو تحفظ فراہم کیا جائے۔
پولیس کا کہنا ہے کہ واقعے کی تحقیقات شروع کر دی گئی ہیں اور ملزمان کی گرفتاری کے لیے کارروائیاں جاری ہیں۔
