ذرائع کے مطابق بھارتی انتہا پسند ہندوؤں کا بلوچستان میں مداخلت کا بڑا ثبوت سامنے آگیا،بھارتی حکومت اور انتہا پسند ہندو بلوچستان میں دہشتگردی میں ملوث ہیں ۔
ذرائع کا کہنا ہے کہ حکومت پاکستان اور مسلح افواج اس حوالے سے کئی بار شواہد ملکی اور بین الاقوامی میڈیا کے سامنے پیش کرچکے ہیں ،اب خود بھارت میں ہندوتوا نظریے کے حامل شخص نے یہ اقرار کیا ہے ۔
ذرائع کا مزید کہنا ہے کہ بھارت کی ریاست بہار سے تعلق رکھنے والا ہندوتوا گروپ کا رکن ’’بلوچستان آرمی‘‘ کا ایکس اکاؤنٹ چلاتا ہے ۔
بھومیہار ساگر نامی ہندوتوا گروپ کے رکن نے ایکس سے اپیل کی ہے کہ:
’’مجھے یہ جان کر مایوسی محسوس ہوئی کہ میرا ذاتی اکاؤنٹ @BhumiharSagar_ غیر مستند قرار دے کر معطل کر دیا گیا ہے‘‘
بھومیہار ساگر نے اپیل کی ہے کہ میں تصدیق کرتا ہوں کہ یہ اکاؤنٹ واقعی میرا ہے، اس کا کہنا ہے کہ میں بھومی ہار ساگر ہوں، جو اس پلیٹ فارم پر اپنی زندگی، خیالات اور تجربات شیئر کرتا رہا ہوں ۔
انہوں نے کہا کہ براہ کرم میری شناخت کا جائزہ لے کر اکاؤنٹ بحال کیا جائے ۔
دفاعی ماہرین کا کہنا ہے کہ بھومیہار ساگر کا یہ اقرار ثابت کرتا ہے کہ بلوچستان میں دہشتگردی کیلئے فتنہ الہندوستان کی سہولت کاری بھارت سے ہوتی ہے ۔
دفاعی ماہرین نے بتایا کہ اس اپیل سے یہ واضح ہو گیا ہے کہ بھومیہار ساگر بلوچستان میں ہندوستانی دہشت گرد پراکسیوں کیلئے کام کرتا ہے ۔
