بانی پی ٹی آئی سے اڈیالہ جیل میں ملاقاتوں پر پابندی عائد کردی گئی
ذرائع کے مطابق اڈیالہ جیل میں سابق چیئرمین پی ٹی آئی سے ملاقاتوں پرپابندی کا فیصلہ محکمہ داخلہ پنجاب نے کیا ہے جس کا اطلاق 2ہفتوں کے لیے ہوگا۔یادرہے کہ جیل انتظامیہ نے منگل اور جمعرات کا دن بانی پی ٹی آئی سے ملاقاتوں کیلئے مختص کر رکھا تھا۔دوسری جانب پولیس نے اڈیالہ جیل کے باہر میڈیا کوریج پر بھی پابندی لگادی ہے۔پولیس نے اڈیالہ جیل گیٹ نمبر 5کے باہر میڈیا گاڑیوں کی پارکنگ پر بیرئیر لگادیے۔پولیس کی جانب سے میڈیا کو ہدایات جاری کی گئی ہیں کہ میڈیا کو آج کوریج کی اجازت نہیں، میڈیا ٹیمیں جیل سے 2کلومیٹر دور چلی جائیں۔
