محکمہ موسمیات کی جانب سے 7 جون کو سندھ کے مختلف علاقوں میں گرج چمک کے ساتھ بارش کا امکان ظاہر کردیا گیا ہے۔
آج محکمہ موسمیات کے مطابق شام یا رات میں مغربی بارشوں کا کم شدت کا سسٹم ملک میں داخل ہوسکتا ہے، مغربی سسٹم کی وجہ سے سندھ میں جاری شدید گرمی کی لہر ختم ہوجائے گی۔محکمہ موسمیات نے 5 جون کی شام کو گرج چمک کے ساتھ ہلکی بارش کا امکان ظاہر کیا ہے جبکہ اس کے ساتھ ہی 6 جون کو دادو ، جامشورو، لاڑکانہ، قمبرشہدادکوٹ، کشمور میں ہلکی بارش بھی ہوسکتی ہے۔محکمہ موسمیات کے مطابق 7 جون کو سندھ کے مختلف علاقوں میں گرج چمک کے ساتھ بارش کا امکان ہے جبکہ اس کے برعکس کراچی میں تین روز میں مطلع جزوی ابر آلود اور موسم مرطوب رہنے کا امکان ظاہر کیا گیا ہے،کراچی میں اس دوران درجہ حرارت 33 سے 35 ڈگری سینٹی گریڈ تک رہ سکتا ہے۔
