کوئٹہ میں محرم الحرام کے دنوں میں سکیورٹی پلان کے تحت شہر بھر میں 1820 اہلکار کو تعینات کردیا گیا ہے۔
ایس ایس پی آپریشنز کوئٹہ محمد بلوچ کے مطابق شہر بھر میں محرم الحرام کے حوالے سے سکیورٹی پلان کو ترتیب دیا گیا ہے اور اس کے ساتھ ہی شہر بھر میں 1820 اہلکار تعینات کئے جائے گئے۔سکیورٹی پلان کے تحت شہرکی 52 امام با رگا ہوں میں مجالس عزا بپا ہوں گی،مجالس کے مقامات میں 23 کو حساس ترین،30 مقامات کو حساس اور جبکہ 24 کو نارمل قرار دیا گیا ہے۔ جہاں پر اس کی نوعیت کے مطابق سکیورٹی کو تعینات کیا جائے گا۔امام بارگاہوں پرواک تھرو گیٹ کو نصب کیا جائے گا اور مجالس میں شامل ہونےوالوں کو چیکنگ کے بعد ہی داخلے ہونے کی اجاز ت دی جائے گی۔ایس ایس پی آپریشنز کے مطابق شہر میں کسی بھی ناخوشگوار واقعہ سے نمٹنے کے لئے ہنگامی منصوبہ بھی تیار کیا گیا ہے، تاہم شہر بھر میں صورتحال کو نارمل رکھنے کی کوشش کی جائے گی۔
