اسلام آباد پولیس ذرائع نے کہا ہے کہ احتجاج سے قبل مختلف علاقوں میں چھپے ہوئے پی ٹی آئی کارکنوں کے خلاف کریک ڈاون شروع کیا گیا ہے ۔
پولیس ذرائع کے مطابق اسلام آباد میں پاکستان تحریک انصاف کے پہلے سے چھپے 200 سے زائد شرپسند کارکنوں کو گرفتار کیا گیا ہے ۔
گزشتہ شب اسلام آباد پولیس آفیسرز کی سربراہی میں 27 ٹیموں نے اسلام آباد کے مختلف علاقوں میں شر پسندوں کے خلاف سرچ آپریشن کیا۔
پولیس ذرائع کا کہنا ہے کہ گرفتار پی ٹی آئی شرپسندوں میں مرد اور خواتین بھی شامل ہیں، گرفتار شر پسندوں سے ہتھیار اور اسلحہ بھی برآمد ہوا ہے۔
ذرائع کا مزید کہنا ہے کہ گرفتار شر پسندوں سے اسلحہ کی برآمدگی پی ٹی آئی کے چوبیس نومبر احتجاج کے دوران شر انگیزی کا عندیہ دیتی ہے، گرفتار ہونے والے شرپسندوں کے خلاف سخت قانونی کارروائی عمل میں لائی جا رہی ہے۔
