پشاور (خصوصی رپورٹر) — صدراتی ایوارڈ یافتہ سینئر اداکار نجیب اللہ انجم نے اپنے اخباری بیان میں خیبر ٹیلی ویژن نیٹ ورک کی فلاحی تنظیم خودمختار ساوی کی کارکردگی کو سراہا۔
نجیب اللہ انجم نے کہا کہ اگر کسی کو دکھی اور مجبور دیکھیں تو اپنی استطاعت کے مطابق مدد ضرور کریں، کیونکہ کبھی کبھی ہماری چھوٹی سی نیکی ہمارے لیے بخشش کا سبب بن سکتی ہے۔
انہوں نے مزید کہا کہ خودمختار ساوی کی خدمات قابل تحسین ہیں اور عوام اپنے عطیات کے ذریعے مستحقین کی مدد کرکے نہ صرف ان کی داد رسی کریں بلکہ انسانیت کے لیے امید کا پیغام بھی پہنچائیں۔ اداکار نے زندگی کو مختصر قرار دیتے ہوئے کہا کہ اس کو غنیمت جانیں اور دکھی انسانیت کی حمایت کریں۔
