خیبرپختونخوا کابینہ کے نئے اراکین نے حلف اٹھا لیا۔گورنر ہاؤس پشاور میں منعقدہ حلف برداری تقریب میں گورنر خیبرپختونخوا فیصل کریم کنڈی نے صوبائی کابینہ کے نئے اراکین سے حلف لیا۔
حلف لینے والے وزراء میں شکیل خان، عارف احمدزئی، شفیع جان، طارق آریانی اور نذیر عباسی شامل ہیں۔ حلف برداری کی تقریب میں وزیراعلیٰ خیبرپختونخوا، اسپیکر خیبرپختونخوا اسمبلی، صوبائی وزراء، مشیران، معاون خصوصی، اراکینِ صوبائی اسمبلی اور اعلیٰ حکام نے شرکت کی۔
صوبائی کابینہ میں شامل ہونے والے نئے وزراء، مشیران اور معاونینِ خصوصی کے محکموں کا اعلان بعد میں کیا جائے گا۔
یاد رہے کہ گزشتہ روز گورنر خیبرپختونخوا فیصل کریم کنڈی نے کابینہ میں توسیع کی منظوری دی تھی۔
وزیراعلیٰ خیبر پختونخوا محمد سہیل آفریدی نے صوبائی کابینہ میں توسیع کے حوالے سے 18 ناموں پر مشتمل سمری تیار کی تھی، مجوزہ فہرست میں 6 صوبائی وزراء، 4 مشیر اور 8 معاونین خصوصی شامل تھے۔
