الیکشن کمیشن آف پاکستان نے خیبر پختونخوا سے نو منتخب 11سینیٹرز کی کامیابی کا نوٹیفکیشن جاری کردیا، نوٹی فکیشن میں پی ٹی آئی کے سینیٹرز کو آزاد قرار دیا گیا ہے ۔
اسلام آباد: الیکشن کمیشن کی جانب سے پی ٹی آئی کے 6، جے یو آئی، پی پی کے 2 ، 2 اور مسلم لیگ ن کے ایک سینیٹر کی کامیابی کا نوٹیفکیش جاری ہوا ۔
روبینہ خالد، روبینہ ناز، اعظم سواتی، مولانا عطا الحق درویش، نور الحق قادری کی کامیابی کا نوٹیفکیشن جاری کردیا گیا۔
فیصل جاوید، مراد سعید، نیاز احمد، مرزا محمد آفریدی اور طلحہ محمود اور دلاور خان کی کامیابی کا نوٹیفکیشن بھی جاری کیا گیا ہے ۔
الیکشن کمیشن کے مطابق نوٹی فکیشن کے بعد نومنتخب سینیٹرز حلف اٹھائیں گے، نومنتخب سینیٹرز کی مدت اپریل 2030 کو ختم ہوگی، پی ٹی آئی کے حمایت یافتہ سینیٹرز کو آزاد قرار دیا گیا ۔
