سری نگر: مقبوضہ کشمیر کے علاقے پہلگام کے مرکزی بازار سے ایک کشمیری نوجوان کا ویڈیو پیغام۔
پیغام میں پاکستانی مسلح افواج اور عسکری قیادت کو زبردست خراجِ تحسین پیش کیا ہے۔
ویڈیو پیغام میں کشمیری نوجوان نے کہا کہ یہ پہلگام کا مرکزی بازار ہے جہاں مودی کا غرور خاک میں مل چکا ہے۔
انہوں نے کہا کہ مقبوضہ کشمیر کے عوام نے فالس فلیگ اور پہلگام واقعے سے متعلق بھارتی حکومت کے گمراہ کن پروپیگنڈے کو مسترد کر دیا ہے۔
کشمیری نوجوان نے کہا کہ پوری کشمیری قوم پاکستانی عسکری قیادت کے ساتھ کھڑی ہے.
اگر مودی نے دوبارہ کوئی حماقت کی تو ایسا جواب ملے گا جو آنے والی نسلیں یاد رکھیں گی۔
انہوں نے کہا کہ مودی بھارتی عوام کو بے وقوف بنا کر انتخابات تو جیت سکتا ہے لیکن اب ذلت اس کا مقدر بن چکی ہے۔
کشمیریوں کا کہنا تھا کہ مقبوضہ کشمیر مودی کے ہاتھ سے نکل چکا ہے اور کشمیریوں کے دل پاکستان کے ساتھ دھڑکتے ہیں۔
