پاکستان سٹاک ایکسچینج میں تیزی کا رجحان برقرار ہے، مارکیٹ نے ایک لاکھ 40 ہزار پوائنٹس کا تاریخی سنگ میل بھی عبور کرکے نئی تاریخ رقم کرلی ۔
کراچی: کاروباری ہفتے کے آخری روز کاروبار کے آغاز کے فوری بعد 9 بج کر 18 منٹ پر بینچ مارک کے ایس ای 100 انڈیکس 1418 پوائنٹس اضافے سے ایک لاکھ 40 ہزار 84 پوائنٹس پر جا پہنچا ۔
بعدازاں معمولی مندی کے بعد انڈیکس 1907 پوائنٹس اضافے ایک لاکھ 40 ہزار 573 پوائنٹس کی بلند ترین سطح پر جاپہنچا تاہم مارکیٹ میں اتار چڑھاؤ کا سلسلہ جاری ہے ۔
انڈیکس گزشتہ روز کے مقابلے میں 880 پوائنٹس اضافے سے ایک لاکھ 39 ہزار 545 کی سطح پر آگیا، یادرہے کہ گزشتہ روز مارکیٹ 2 ہزار 286 پوائنٹس اضافے کے بعد ایک لاکھ 38 ہزار 665 پوائنٹس پر بند ہوئی تھی ۔
