پاکستان کی معیشت استحکام کی جانب گامزن،ریٹنگ برقرار، آؤٹ لک مستحکم: فچ ریٹنگز

عالمی ریٹنگ ایجنسی فچ نے پاکستان کی طویل مدتی غیر ملکی کرنسی ریٹنگ”بی مائنس ” ‘B-’ برقرار رکھتے ہوئے آؤٹ لک کو مستحکم قرار دیا ہے۔ ماہرین کے مطابق ریٹنگ کا برقرار رہنا اس بات کا ثبوت ہے کہ پاکستان کی معیشت استحکام کی جانب گامزن ہے اور عالمی سطح پر اعتماد میں اضافہ ہو رہا ہے۔
فچ ریٹنگز کے مطابق پاکستان نے مالیاتی نظم و ضبط اور معاشی استحکام کے حوالے سے نمایاں پیش رفت کی ہے. رپورٹ میں کہا گیا ہے کہ پاکستان نے مشرقِ وسطیٰ کی کشیدہ صورتحال کے باوجود معیشت کو سنبھالنے میں بہتری دکھائی۔ زرمبادلہ کے ذخائر میں اضافہ اور بہتر مالی حکمت عملی نے معیشت کو سہارا دیا ہے۔
فچ کے مطابق مارچ 2026 میں آئی ایم ایف کے ساتھ ہونے والے معاہدے معاشی استحکام کے لیے اہم ثابت ہوگا اور دیگر عالمی مالیاتی اداروں کے اعتماد میں بھی اضافہ کرے گا۔پالیسی ریٹ میں کمی کے بعد کاروباری سرگرمیوں میں بہتری کی توقع ظاہر کی گئی ہے۔
رپورٹ میں توانائی کے شعبے کو ایک بڑا چیلنج قرار دیا گیا ہے، تاہم حکومت کی جانب سے بروقت اقدامات کے باعث اس کے اثرات کو محدود رکھنے کی کوشش کی گئی ہے۔ ٹیکس اصلاحات، ڈیجیٹلائزیشن اور مالی نظم و ضبط کو معیشت کی بہتری کے لیے مثبت قرار دیا گیا ہے۔