مشیر خزانہ خیبرپختونخوا مزمل اسلم نے کہا ہے کہ خیبر پختونخوا کے ضم اضلاع فنڈز کے حوالے سے وزیراعظم شہباز شریف کا بیان غلط بیانی پر مبنی ہے۔
اپنے ایک بیان میں مشیر خزانہ نے کہا کہ شہباز کی قیادت میں پی ڈی ایم حکومت نے پچھلے دو سالوں کے دوران ضم اضلاع کے ساتھ امتیازی سلوک کیا ہے۔
مزمل اسلم نے کہا کہ ضم اضلاع فنڈز کا کشمیر اور گلگت بلتستان سے موازنہ کیا جائے تو پتہ چل جائے گا، شہباز حکومت نے پچھلے دو سالوں سےضم علاقوں کا بجٹ 66 ارب روپے پر منجمد کر دیا ہے۔
انھوں نے کہا کہ گزشتہ دو سالوں میں اوسط مہنگائی 25 فیصد ریکارڈ کی گئی ہے جبکہ وفاق نے تنخواہوں میں بالترتیب 35 اور 25 فیصد سالانہ اضافہ کیا ہے۔
مزمل اسلم کا کہنا تھا کہ وفاقی بجٹ 11 ہزار ارب سے بڑھ کر 18 ہزار 500 ارب کر دیا ہےباوجود اسکے ضم اضلاع بجٹ کو 66 ارب روپے پر برقرار رکھا ہے۔
مزمل اسلم کے مطابق آزاد جموں و کشمیر گرانٹ 70 ارب سے بڑھ کر 2024-25 میں 107 ارب ہو گئی ،گلگت بلتستان گرانٹ 51 ارب سے بڑھ کر مالی سال 2024-25 میں 68 ارب روپے ہوگئی ہے۔
ان کا کہنا تھا کہ خیبر پختونخوا کے ساتھ عمومی اور ضم شدہ علاقوں کے ساتھ خصوصی امتیازی سلوک کیوں رکھا گیا ہے ،ایسا سلوک صرف اس لیے کہ صوبے میں پاکستان تحریک انصاف کی حکومت ہے ۔
منگل, ستمبر 2, 2025
بریکنگ نیوز
- کسی کو عدالت کی بےحرمتی کی اجازت نہیں دیں گے، چیف جسٹس یحیٰ آفریدی
- ٹیرف کے اثرات، بھارتی روپیہ کم ترین سطح پر
- پشاور میں افغان مہاجرین کا وطن واپسی پر تحفظات، ڈیڈ لائن میں توسیع کا مطالبہ
- خیبر ٹی وی پشاور کا تفریحی و نصیحت آموز ڈرامہ ’’گارڈ روم‘‘ ناظرین کی توجہ کا مرکز
- طورخم سرحدی گزرگاہ سے افغان پناہ گزینوں کی وطن واپسی کا عمل جاری
- چین کا اقتصادی ترقی سمیت تمام شعبوں میں پاکستان کی مدد جاری رکھنے کا اعلان
- سوڈان میں تباہ کن بارشوں کے بعد لینڈ سلائیڈنگ، گاؤں زمیں بوس، ایک ہزار افراد جاں بحق
- پاراچنار میں نرسنگ کالج بند — کیا پسماندہ علاقے تعلیم کے حق سے محروم رہیں گے؟ تحریر: ڈاکٹر حمیرا عنبرین