چائنہ ونڈو میں ایک پر وقار تقریب کا انعقاد کیا گیا، جس میں قومی خدمات کے لیے مشہور شخصیات ضیاء الحق سرحدی اور جمشید علی خان کو سول اعزازات سے نوازے جانے پر خراجِ تحسین پیش کیا گیا ۔
پشاور: وزارتِ زراعت کے سیکریٹری ڈاکٹر بختیار خان تقریب کے مہمانِ خصوصی تھے، انہوں نے دونوں ایوارڈ یافتگان کی خدمات کی تعریف کرتے ہوئے کہا کہ سول ایوارڈز قومی سطح پر لگاتار محنت، پیشہ ورانہ مہارت اور وطن سے گہری محبت کی شناخت ہیں۔ انہوں نے جمشید علی خان اور ضیاء الحق سرحدی کو نوجوان نسل کے لیے رول ماڈل قرار دیا ۔
جمشید علی خان، جو صدارتی ایوارڈ یافتہ ہیں، نے خطاب کرتے ہوئے بتایا کہ انہوں نے ریڈیو، سٹیج اور ٹیلی ویژن سمیت کئی دہائیوں تک فنونِ لطیفہ کی خدمت کی ہے ۔
خیبر نیٹ ورک سے منسلک جمشید علی خان نے کہا کہ ان کی خدمات کو حکومتِ پاکستان کی جانب سے تسلیم کیا جانا ان کے لیے باعثِ فخر اور مسرت ہے۔ انہوں نے عزم کیا کہ وہ آئندہ بھی مزید جوش و خروش کے ساتھ قوم کی خدمت جاری رکھیں گے
سرحد چیمبر آف کامرس اینڈ انڈسٹری کے سینئر نائب صدر محمد ندیم نے بزنس کمیونٹی کی طرف سے دونوں کو مبارکباد پیش کی۔ انہوں نے کہا کہ پشاور کے ان دونوں بزرگوں کی چار سے پانچ دہائیوں کی خدمات کا سرکاری اعتراف پورے صوبے اور ملک کے لیے باعثِ فخر ہے ۔
تقریب سے ایڈووکیٹ محمد حبیب قریشی، سابق ایم پی اے ڈاکٹر ذاکر شاہ، سوشل ایکٹیوسٹ خواجہ اکبر سیٹھی، کالم نویس وسیم شاہد اور امجد عزیز ملک سمیت متعدد معززین نے بھی خطاب کیا ۔
مقررین نے کہا کہ قومیں ان افراد کو ہمیشہ یاد رکھتی ہیں جنہوں نے معاشرے کی ترقی اور بہبود میں مثبت کردار ادا کیا ہو ۔
اختتام پر مہمانِ خصوصی ڈاکٹر بختیار خان نے دونوں کو گلدستے اور روایتی شالیں پیش کیں، جبکہ میزبان امتیاز احمد نے ٹوپیاں اور محمد ندیم نے شیلڈز دیں۔ تقریب میں دانشوروں، صحافیوں، ادیبوں، سماجی کارکنوں اور سرکاری نمائندوں کی بڑی تعداد موجود تھی ۔
تقریب سے ایڈووکیٹ محمد حبیب قریشی، سابق ایم پی اے ڈاکٹر ذاکر شاہ، سوشل ایکٹیوسٹ خواجہ اکبر سیٹھی، کالم نگار وسیم شاہد اور امجد عزیز ملک سمیت متعدد معززین نے بھی خطاب کیا ۔
