پشاور بی آر ٹی کا کنٹریکٹر عالمی ثالثی عدالت پہنچ گیا۔جس نےحکومت کے خلاف 57ارب روپے کا دعوی کردیا
پراجیکٹ کے جے وی کنٹریکٹرز نے بین الاقوامی ثالثی عدالت سے معاہدے کی دفعات کے تحت 57 ارب روپے کی بقایا رقم کی ادائیگی کیلئے رجوع کیا ہے۔کنٹریکٹر کے مطابق پراجیکٹ کا دائرہ بڑھایا گیا ہے،بار بار ڈیزائن میں تبدیلی کے ساتھ ادائیگیوں میں تاخیر بھی کی گئی ہے۔دوسری طرف پشاور ڈویلپمنٹ اتھارٹی ذرائع کے مطابق دونوں فریقوں کے درمیان نیب کی انکوائریوں کی وجہ سے بھی تنازعہ خوش اسلوبی سے حل نہیں ہوسکا ہے۔پی ڈی اے ذرائع کے مطابق رقم کی ادائیگی کی صورت میں بی آر ٹی پشاور کی کل لاگت 120ارب روپے سے بھی تجاوز کر جائے گی۔
