پشاور: پولیس حکام کے مطابق بڈھ بیر کے علاقے ماشوخیل میں گزشتہ رات ملزمان نے گاڑی پر اندھا دھند فائرنگ کر دی جس کے نتیجے میں 5 افراد جاں بحق ہوگئے ۔
پولیس کے مطابق جاں بحق افراد میں ایک پولیس اہلکار بھی شامل ہے
حکام کا کہنا ہے کہ فائرنگ کی وجہ ذاتی دشمنی کا شاخسانہ ہے، ملزمان کی گرفتاری کیلئے چھاپے مارے جا رہے ہیں، ملزمان کو جلد گرفتار کر کے قانون کے کٹہرے میں لایا جائے گا ۔
دوسری جانب واقعے کا مقدمہ مدعی ملک ارشد کی مدعیت میں تھانہ بڈھ بیر میں درج کر لیا گیا، جس میں امتیاز، سرفراز، علی گوہر اور شعیب کو نامزد کیا گیا ہے ۔
پولیس کا کہنا ہے کہ ملزمان اور مقتولین آپس میں قریبی رشتہ دار ہیں، مقتولین کو گاڑی میں فائرنگ کا نشانہ بنایا گیا، جاں بحق ہونے والوں میں ملک امان ناہید، مقصود، امداد اور رازم خان شامل ہیں ۔
