پشاورہائیکورٹ کے چیف جسٹس اشتیاق ابراہیم نے حلف لے لیا
پشاور ہائیکورٹ کے چیف جسٹس اشتیاق ابراہیم نے حلف لے لیا ہے
جسٹس اشتیاق ابراہیم نے بطور چیف جسٹس پشاور ہائیکورٹ اپنے عہدہ کا حلف اٹھا لیا ہے۔گورنر ہاؤس پشاور میں حلف برداری کی تقریب منعقد ہوئی، گورنر خیبرپختونخوا حاجی غلام علی نے نئے تعینات ہونے والے چیف جسٹس پشاور ہائیکورٹ اشتیاق ابراہیم سے حلف لیا،وزیراعلیٰ خیبر پختونخوا علی امین گنڈاپور بھی تقریب میں شریک ہوئے۔
سپریم کورٹ کی جج جسٹس مسرت ہلالی، پشاور ہائیکورٹ کے ججز، وکلاء، چیف سیکرٹری، آئی جی پولیس، سیکرٹری ایڈمنسٹریشن سمیت دیگر محکموں کے انتظامی سربراہان نے بھی تقریب میں شرکت کی۔واضح رہے کہ صدر آصف زرداری نے گزشتہ روز جسٹس اشتیاق ابراہیم کی مستقل چیف جسٹس پشاور ہائیکورٹ تعیناتی کی منظوری دی تھی۔15 اپریل کو جسٹس اشتیاق ابراہیم نےقائم مقام چیف جسٹس پشاور ہائیکورٹ کا حلف اٹھایا تھا۔