پشاور میں بارش کے باعث ہونیوالے جانی و مالی نقصان پر پی ڈی ایم اے کی رپورٹ جاری کر دی گئی ہے
گزشتہ روز پشاور میں بارش اور ژالہ باری کے باعث نقصانات سے متعلق پی ڈی ایم اے نے رپورٹ جاری کر دی ہے۔پی ڈی ایم اے کے مطابق بارشوں سے پشاور، نوشہرہ، باجوڑ اور شانگلہ میں نقصانات ہوئے، بارشوں کی وجہ سے مختلف حادثات میں 5 افراد جاں بحق جبکہ 9 افراد زخمی ہوگئے ہیں۔
پی ڈی ایم اے کی رپورٹ کے مطابق باجوڑ میں 2 اور شانگلہ میں 3 افراد جاں بحق ہوئے، جاں بحق ہونے والے افراد میں 4 بچے اور ایک خاتون شامل ہیں۔اس کے علاوہ باجوڑ میں 2، شانگلہ میں ایک، پشاور اور نوشہرہ میں 3، 3 افراد زخمی ہوئے، زخمی ہونے والوں میں 6 بچے اور 2 خواتین شامل ہیں جبکہ بارش کے باعث 4 گھروں کو نقصان بھی پہنچا ہے۔
