اسلام آباد: وزیراعظم شہباز شریف وفد کے ہمراہ اہم ملاقات کیلیے جمعیت علما اسلام کے سربراہ مولانا فضل الرحمان کی رہائش گاہ پہنچے۔
وزیراعظم کے ساتھ وفد میں ڈپٹی وزیر اعظم اسحاق ڈار ،وزیر داخلہ محسن نقوی ،وزیر اطلاعات عطاء تارڑ شامل تھے۔
وزیراعظم شہبازشریف کی وفد کے ہمراہ آمد پر مولانا فضل الرحمان نے پُرجوش استقبال کیا۔
اس موقع پر وزیراعظم نے جے یو آئی سربراہ کی خیریت دریافت کی اور انہیں گلدستہ پیش کیا۔
دونوں رہنما کے دوران ملک کی موجودہ سیاسی صورتحال اور دیگر اہم امور پر بات چیت ہوئی۔
ملاقات میں جے یو آئی کے مولانا عبدالغفور حیدری ،مولانا اسعد محمود ،محمد اسلم غوری ،مولانا عبید الرحمان اور غلام علی، مولانا جمال الدین ،مفتی ابرار احمد ،جلال الدین ایڈوکیٹ بھی موجود تھے۔
