رہنما مسلم لیگ ن نہال ہاشمی نے گورنر سندھ کے عہدے کا حلف اٹھا لیا، سندھ ہائیکورٹ کے چیف جسٹس ظفر احمد راجپوت نے نئے گورنر سے ان کے عہدے کا حلف لیا ۔
کراچی: گورنر سندھ کی حلف برداری کی تقریب میں وزیر اعلیٰ سندھ مراد علی شاہ، وزیر داخلہ سندھ ضیا لنجار، میئر کراچی مرتضیٰ وہاب، مسلم لیگ ن سندھ کے صدر بشیر میمن اور دیگر رہنما اور کارکنان بھی شریک ہوئے ۔
نہال ہاشمی کو گورنر سندھ تعینات کرنے کا فیصلہ گزشتہ روز کیا گیا تھا، وزیراعظم شہبازشریف کی سفارش کے بعد صدر مملکت آصف زرداری نے ان کی تعیناتی کی منظوری دی تھی ۔
نئے گورنر سندھ نہال ہاشمی گزشتہ کئی دہائیوں سے مسلم لیگ ن سے وابستہ ہیں، وہ 1997 سے 1999 تک وزیراعظم نواز شریف کے مشیر برائے قانون و انصاف بھی رہے ۔
2012 میں نئے گورنر سندھ نہال ہاشمی نے کراچی میں مسلم لیگ ن کے صدر کے طور پر خدمات انجام دیں اور پھر اگست 2014 میں انہیں سندھ میں مسلم لیگ ن کا جنرل سیکرٹری بنایا گیا ۔
