وزیراعظم شہبازشریف نے جمہوریہ آذر بائیجان کے صدر الہام علیوف کو عید کی مبارکباد پیش کی ہے۔
شہبازشریف نے عیدالفطر کے پرمسرت موقع پر مبارکباد کے تبادلےکےلیے آذربائیجان کے صدر کو ٹیلیفون کیا۔ گفتگو میں وزیراعظم نے آذربائیجان کے صدر الہام علیوف اور برادر عوام کو عید الفطر کی دلی مبارکباد پیش کی۔
اس موقع پر دونوں رہنماؤں کی امت کی صفوں میں اتحاد کی بھی دعا کی گئی جب کہ ایران اور خلیج میں جاری کشیدگی پر بھی تبادلہ خیال کیا گیا۔ شہباز شریف نے آذربائیجان کےخلاف حملوں کی شدید مذمت کا اعادہ کیا اور مشکل کی اس گھڑی میں آذربائیجان کے برادر عوام کے ساتھ مکمل یکجہتی اور حمایت کا اظہار بھی کیا۔
وزیراعظم میاں شہبازشریف کی آذربائیجان کے صدر الہام علیوف سے ٹیلیفونک گفتگو، عید کی مبارکباد
