وزیراعظم شہباز شریف نے خیبرپختونخوا، گلگت بلتستان اور آزاد کشمیر میں بھرپور امدادی کارروائیوں کی ہدایت کرتے ہوئے چیئرمین نیشنل ڈیزاسٹر مینجمنٹ اتھارٹی کو ہدایات جاری کردیں، وزیر اطلاعات ونشریات عطا تارڑ کے مطابق وزیراعظم صوبوں میں جاری امدادی کارروائیوں کی خود نگرانی کررہے ہیں ۔
اسلام آباد: وفاقی وزیر اطلاعات عطاء اللہ تارڑ نے کہا ہے کہ وزیراعظم نے چیئرمین این ڈی ایم اے کو صوبائی حکومتوں سے مسلسل رابطے کی ہدایت کردی ہے ۔
وفاقی وزیر اطلاعات کا کہنا تھا کہ وزیراعظم ہاؤس میں خصوصی سیل قائم کیا کردیا گیا ہے اور این ڈی ایم اے سے 24 گھنٹے رابطہ برقرار ہے ۔
عطاء اللہ تارڑ کا کہنا ہے کہ وزیراعظم تین بار این ڈی ایم اے کا دورہ کر کے ریلیف و ریسکیو اقدامات کا جائزہ لے چکے ہیں، حکومت کا فوکس ریلیف اور ریسکیو اقدامات پر ہے اور خیبر پختونخوا میں تمام ادارے ریسکیو اور ریلیف آپریشن میں وسائل بروئے کار لا رہے ہیں ۔
وفاقی وزیر نے کہا کہ خیبر پختونخوا میں انسانی جانوں کو محفوظ بنانے کے لئے ہنگامی اقدامات کیے جا رہے ہیں، این ڈی ایم اے کا پیشگی آگاہی نظام صوبوں کو باقاعدہ معلومات فراہم کر رہا ہے اور این ڈی ایم اے کا کمانڈ اینڈ کنٹرول سینٹر 24 گھنٹے فعال ہے ۔
