وزیراعظم کی کرغزستان میں پاکستانی طلباء کو ہر ممکن مدد فراہم کرنے کی ہدایت کردی۔
وزیراعظم شہباز شریف نے بشکیک میں پاکستانی سفیر کو پاکستانی طلبہ کی ہر قسم کی مدد کرنے کی ہدایت جاری کردی ہے۔شہباز شریف نے کرغزستان میں پاکستانی سفیر حسن علی سے ٹیلی فونک رابطہ کیا گیا اور پاکستانی طلبہ کو ہرقسم کی مددومعاونت فراہم کرنے کی ہدایت کی گئی ہے۔وزیراعظم شہباز شریف نے کرغزستان میں پاکستانی طلباء کی صورتحال کےحوالے سے گہری تشویش کا اظہارکیا، انہوں نے کہا ہے کہ مسلسل اپنے آپ کو صورت حال سے آگاہ رکھے ہوئے ہیں، پاکستانی سفارت خانے نے ایمرجنسی نمبر فراہم کر دیئے۔
وزیراعظم شہباز شریف نے پاکستانی سفیر کو خود ہاسٹلز کا دورہ کرکے طلبہ سےملاقات کی ہدایت کی، وزیراعظم آفس کےمطابق پاکستانی سفیر نے وزیراعظم کو بتایا کہ واقعے میں کوئی پاکستانی جاں بحق نہیں ہوا ہے، پاکستانی سفیر نے وزیراعظم کو بتایا کہ سفارتخانہ زخمی طلبہ کی معاونت کر رہا ہے۔جبکہ وزیرخارجہ اسحاق ڈار نےجمہوریہ کرغزستان میں طلباء پرہجوم کےحملوں کی اطلاعات کو انتہائی تشویشناک قراردیا ہے، انہوں نےکہا کہ ہم نے پاکستانی طلباء کے تحفظ کو یقینی بنانے کے لیے کرغیز حکام سے رابطہ قائم کیا ہے،کرغزستان میں اپنے سفیر کو مکمل سہولت فراہم کرنے کی ہدایت کی ہے۔
