پشاور ہائیکورٹ نے وزیراعلیٰ کی حفاظتی ضمانت منظور کرتے ہوئے سہیل آفریدی کو درج مقدمات میں گرفتار نہ کرنے کا حکم جاری کردیا ، عدالت نے وزیراعلیٰ کی 18 نومبر تک حفاظتی ضمانت منظور کرلی ۔
پشاور ہائیکورٹ کے جسٹس اعجاز انور اور جسٹس نعیم انور نے وزیر اعلیٰ سہیل آفریدی کی مقدمات کی تفصیلات کے لیے دائر درخواست پر سماعت کی ۔
دوران سماعت عدالت نے استفسار کیا کہ سہیل آفریدی کس ایف آئی آر میں نامزد ہیں؟اس پر ایڈووکیٹ جنرل نے جواب دیا کہ ہمیں تو خود نہیں پتا، ہوسکتا ہے میں بھی ایف آئی آر میں نامزد ہوں ۔
ایڈووکیٹ جنرل نے کہا کہ وزیراعلیٰ سہیل آفریدی بانی پی ٹی آئی سے ملاقات کے لیے اڈیالہ جیل جائیں گے ۔
بعد ازاں عدالت نے سہیل آفریدی کے خلاف درج مقدمات کی تفصیلات طلب کرتے ہوئے ان کی 18 نومبر تک حفاظتی ضمانت منظور کرلی اور پولیس کو سہیل آفریدی کو درج مقدمات میں گرفتار نہ کرنے کا حکم بھی جاری کیا ۔
