راولپنڈی کرکٹ سٹیڈیم میں ہونے والے پی ایس ایل 10 کے دوسرے میچ میں کوئٹہ گلیڈی ایٹرز نے پہلے بیٹنگ کرتے ہوئے کپتان سعود شکیل اور فن ایلن کی نصف سنچریوں کی بدولت مقررہ 20 اوورز میں 3 وکٹوں کے نقصان پر 216 رنز بنائے، جس کے جواب میں پشاور زلم کی پوری ٹیم 16 ویں اوور میں 136 رنز بناکر آوٹ ہو گئی ۔
کوئٹہ کی جانب سے سعود شکیل نے59 اور فن ایلن نے53 رنزکی اننگز کھیلیں ،حسن نواز نے 41،کوشال مینڈس نے 35 اور ریلی روسو نے 21 رنز سکور کیے ۔
پشاور زلمی کی جانب سے علی رضا، سفیان مقیم اور جوزف نے ایک، ایک وکٹ حاصل کی ۔
217 رنز کے ہدف کے جواب میں پشاور زلمی کی ٹیم محض 16ویں اوور 136 رنز ہی بناسکی اور 80 رنز سے میچ ہار گئی ۔
زلمی کی جانب سے صائم ایوب 50 رنز کے ساتھ نمایاں رہے، حسین طلعت نے 35، مچل اوون نے 31 رنز بنائے،بابراعظم کھاتا کھالے بغیر ہی آوٹ ہوئے ۔
کوئٹہ کی جانب سے ابرار احمد نے 4، محمد عامر اور عثمان طارق نے 2، دو کھلاڑی آؤٹ کیے، ابرار احمد میچ کے بہترین کھلاڑی قرار پائے ۔
