پی ایس ایل 9 کے لئے مارکیٹنگ اور سکیورٹی سمیت دیگر معاملات پر اہم اجلاس طلب کر لیا گیا ہے
حکومتی ذمہ داریوں کے باوجود محسن نقوی کی اولین ترجیح پی ایس ایل کا کامیاب انعقاد ہے۔اس سلسلے میں پی ایس ایل کی سکیورٹی کے حوالے سے چیئرمین پی سی بی نے اہم اجلاس پھر طلب کرلیا۔ذرائع کا کہنا ہے کہ اس سے قبل پی ایس ایل سے متعلق اجلاس ہوا جس میں سی ای او پی سی بی سلمان نصیر، ڈائریکٹر انٹرنیشنل کرکٹ عثمان واہلہ اور پی ایس ایل کی انتظامیہ سمیت مارکیٹنگ ڈپارٹمنٹ کے حکام بھی شریک ہوئے تھے۔
پی ایس ایل حکام نے چیئرمین پی سی بی کو پی ایس ایل 9کے اخراجات کے حوالے سے بریف کیا۔جس کے بعد چیئرمین پی سی بی نے پی ایس ایل کے اخراجات کی تفصیلات طلب کر لیں۔پی سی بی حکام کی جانب سے پی ایس ایل کی افتتاحی تقریب اور ٹرافی کی رونمائی کے حوالے سے چیئرمین پی سی بی کو بریفنگ دی گئی۔اجلاس کے دوران چیئرمین پی سی بی نے پی ایس ایل کیلئے سکیورٹی کے فول پروف انتظامات کی ہدایت دیں۔ پی ایس ایل کی بھرپور تشہیری مہم چلانے کے بھی چیئرمین پی سی بی محسن نقوی نے احکامات جاری کیے۔
