کاروباری ہفتے کے پہلے روز پاکستان اسٹاک ایکسچینج میں شدید منفی رجحان دیکھنے میں آیا، جہاں کے ایس ای 100 انڈیکس میں 4,618 پوائنٹس کی نمایاں کمی ریکارڈ کی گئی۔ اس بڑی گراوٹ کے بعد انڈیکس ایک لاکھ 47 ہزار 318 پوائنٹس کی سطح پر آ گیا۔
ماہرین کے مطابق مشرق وسطیٰ میں جاری کشیدگی اور جنگی صورتحال کے باعث نہ صرف مقامی سرمایہ کاری متاثر ہوئی ہے بلکہ عالمی سطح پر بھی منفی اثرات دیکھنے میں آ رہے ہیں۔
دوسری جانب کرنسی مارکیٹ میں امریکی ڈالر کی قدر میں معمولی کمی دیکھی گئی۔ انٹر بینک مارکیٹ میں ایک امریکی ڈالر 279 روپے 10 پیسے پر ٹریڈ ہوتا دیکھا گیا۔
معاشی ماہرین کا کہنا ہے کہ اگر عالمی حالات میں بہتری نہ آئی تو اسٹاک مارکیٹ پر دباؤ برقرار رہنے کا امکان ہے، جبکہ سرمایہ کاروں کو محتاط حکمت عملی اپنانے کی ضرورت ہے۔
