خیبرپختونخوا میں پی ٹی آئی کا اتحاد کیلئے پرویز خٹک کی پارٹی سے رابطہ

خیبرپختونخوا میں پی ٹی آئی کا اتحاد کیلئے پرویز خٹک کی پارٹی سے رابطہ کر لیا ہے

 خیبر پختونخوا میں پاکستان تحریک انصاف ( پی ٹی آئی ) نے اتحاد کے لئے پرویز خٹک کی جماعت پاکستان تحریک انصاف پارلیمنٹیرین ( پی ٹی آئی پی ) سے رابطہ کرلیا ہے۔اتحاد کے لئے خیبرپختونخوا میں پی ٹی آئی نے پرویز خٹک کی جماعت پاکستان تحریک انصاف پارلیمنٹیرین سے رابطہ کیا ہے اور بات چیت دونوں جماعتوں کے مابین اسمبلی کے اندر اتحاد کیلئے ہوئی ہے۔

جنرل سیکرٹری پی ٹی آئی پی ملک حبیب اورکزئی کا اس حوالے سے کہنا تھا کہ بات چیت کا مقصد پی ٹی آئی کے آزاد امیدوار پی ٹی آئی پی میں شامل کرنا ہے، ہم سے اسد قیصر اورعلی امین نے رابطہ کیا ہے۔ملک حبیب کے مطابق مذاکرات کا پہلا دور ہوا ہے، جلد اگلے مرحلے کے مذاکرات ہوں گے۔دوسری طرف ذرائع کے مطابق پی ٹی آئی کور کمیٹی ارکان نے پی ٹی آئی پارلیمنٹیرینز سے اشتراک کی بھی مخالفت کر دی ہے۔ارکان کا اس حوالے سے کہنا تھا کہ پی ٹی آئی پارلیمنٹیرینز سے اشتراک ممکن نہیں ہے۔