پی ٹی آئی کے ممکنہ احتجاج کے باعٹ اسلام آباد اور راولپنڈی میں دفعہ 144 نافذ ، ضلعی انتظامیہ کے مطابق اسلام آباد میں دفعہ 144 کے تحت کسی بھی قسم کے احتجاج یا جلسے جلوس کی اجازت نہیں ۔
اسلام آباد: وفاقی دارالحکومت کی ضلعی انتظامیہ نے کہا ہے کہ شہر بھر میں دفعہ 144 نافذ کردی گئی ہے اور کسی بھی غیرقانونی سرگرمی کے انعقاد پرقانون فی الفورحرکت میں آئے گا ۔
اُدھر ڈپٹی کمشنر راولپنڈی نے ضلع راولپنڈی میں دفعہ 144 نافذ کردی، ضلعی انتظامیہ نے دفعہ 144 کے نفاذ کا نوٹیفکیشن بھی جاری کردیا گیا ہے ۔
نوٹیفکیشن کے مطابق دفعہ 144 کا نفاذ یکم سے 3 دسمبرتک ہوگا اورراولپنڈی میں ہرقسم کے اجتماع،ریلی،جلسے جلوس پرپابندی عائد رہے گی ۔
نوٹیفکیشن میں کہا گیا ہے پولیس اوردیگرقانون نافذ کرنے والے اداروں کوہائی الرٹ کردیا گیا اورپولیس سمیت تمام ادارے باہمی تعاون سے امن وامان یقینی بنائیں گے ۔
