این ڈی ایم اے نے ملک بھر میں جاری مون سون کی بارشوں کے دوران ہونے والے جانی و مالی نقصانات کی تفصیل جاری کر دی ۔
نیشنل ڈیزاسٹر مینجمنٹ اتھارٹی نے اپنی تازہ رپورٹ میں کہا ہے کہ ملک بھر میں جاری مون سون کی بارشوں کے دوران اب تک 104افراد جاں بحق اور206 زخمی ہوگئے ہیں۔
این ڈی ایم اے کی رپورٹ کے مطابق اس دوران مجموعی طور پر 1490 گھروں کو نقصان پہنچا ہے۔
رپورٹ میں بتایا گیا کہ طوفانی بارشوں سے490گھروں کو نقصان پہنچا اور 118مویشی سیلاب کی نذر ہو گئیں۔
این ڈی ایم اے نے بتایا کہ مون سون کی طوفانی بارشوں سے سب سے زیادہ اموات 39 پنجاب میں ہوئیں۔
پی ڈی ایم اے خیبر پختونخواکے مطابق صوبے میں جاری مون سون بارشوں کے باعث اب تک 53 افراد جاں بحق اور 89 زخمی ہو چکے ہیں
این ڈی ایم اے نے کہا ہے کہ سندھ میں22، بلوچستان میں5، آزاد کشمیر میں3 اور گلگت بلتستان ایک شخص کے جاں بحق ہونے کی تصدیق ہوئی ہے۔
بارشوں میں ہونے والے نقصانات سے متعلق رپورٹ میں بتایا گیا کہ بارشوں کے دوران مختلف حادثات میں پنجاب میں 113، خیبر پختونخوا میں 89 ، آزاد کشمیر میں11، بلوچستان میں9 اور سندھ میں 3 افراد زخمی ہوئے۔
ملک بھر میں گزشتہ ایک ماہ کے دوران طوفانی بارشوں سے 126گھر منہدم اور 364کو جزوی نقصان پہنچا، خیبر پختونخوا میں382گھر، پنجاب میں 61، گلگت بلتستان میں22، سندھ میں13، آزاد کشمیر میں7 اور بلوچستان میں5گھر متاثر ہوئے۔
