محکمہ موسمیات نےخیبرپختونخوا اور پنجاب میں آج بارش ہونے کا امکان ظاہر کیا گیا ہے۔
محکمہ موسمیات کے مطابق پنجاب اور کے پی میں چندمقامات پر موسلا دھار بارش کےساتھ ژالہ باری بھی متوقع ہے، جبکہ اسلام آباد میں شام کو ژالہ باری اور موسلا دھار بارش ہوسکتی ہے،اس کےعلاوہ شمالی بلوچستان، جنوبی پنجاب اور بالائی سندھ میں بھی تیز بارش کا امکان ظاہر کیا جارہا ہے۔
گزشتہ رات لاہورمیں ہونےوالی بارش اورآندھی کے باعث گرمی کی شدت میں کمی ہوئی ہے،لاہورکا زیادہ سے زیادہ درجہ حرارت سینتس ڈگری ریکارڈکیے جانےکا امکان ہے، اگلے چوبیس گھنٹوں میں محکمہ موسمیات نے مزید بارش کی پیشگوئی کردی ہے۔دوسری طرف محکمہ موسمیات نےکراچی میں مطلع جزوی ابرآلود رہنے کا امکان ظاہر کیا ہے، آج زیادہ سے زیادہ درجہ حرارت تینتیس سے پینتیس ڈگری تک سینٹی گریڈ تک جانے کا امکان ہے، جبکہ کراچی میں کم سےکم درجہ حرارت ستائیس ڈگری سینٹی گریڈ ریکارڈ کیا گیا ہے،جنوب مغربی سمت سےنوکلومیٹر فی گھنٹہ کی رفتارسےہوائیں چل رہی ہیں۔
