کراچی کے علاقے کورنگی میں رینجرز اور سی ٹی ڈی نے مشترکہ کارروائی کرتے ہوئے 3 دہشت گردوں کو گرفتار کر لیا ۔
ترجمان رینجرز نے کہا ہے کہ تینوں گرفتار دہشتگردوں کا تعلق گل بہادر گروپ سے ہے، دہشتگردوں کے قبضے سے اسلحہ اور دھماکہ خیز مواد برآمد ہوا ہے ۔
ترجمان نے بتایا ہے کہ گرفتار دہشت گرد نعیم اللہ عسکری تربیت یافتہ اور وزیرستان میں کارروائیوں میں ملوث ہے جو کچھ عرصہ قبل کراچی میں آکر اپنا نیٹ ورک منظم کرنے میں سرگرم تھا ۔
انہوں نے مزید بتایا کہ تینوں دہشت گرد کراچی میں دہشتگردی کی منصوبہ بندی کر رہے تھے، مزید تفتیش جاری ہے ۔
